من نحن

مطبخي تطبيق طبخ جزائري، فيه أكثر من 520 وصفة جزائرية وعالمية بمقادير دقيقة بالغرام والمل، مكتوبة بالعربية والفرنسية.

علاش «مطبخي»؟

كثير من الوصفات اللي نلقاوها في الإنترنت ناقصة: «شوية فرينة»، «حسب الذوق»، «كاس سميد» بلا ما نعرفو قداش الكاس. في مطبخي كل وصفة مكتوبة بالميزان باش تنجح من أول مرة، وكل وصفة جزائرية مربوطة بالولاية ولا الجهة اللي تشتهر بيها.

واش كاين في التطبيق

• 11 قسم: تقليدية جزائرية، عصرية وفاست فود، أسماك، عالمية، حلويات، مملحات، سلطات، مشروبات، وجبات خفيفة، الفطور، وركن السيلياك (بدون غلوتين).
• السعرات الحرارية لكل وصفة لحصة وحدة، مع البروتين والنشويات والدهون.
• الفطور حسب الفئة: للأطفال، المراهقين، الكبار، كبار السن، الرياضيين، ولمن يحب ينقص ولا يزيد في الوزن.
• «أعطيني وصفة»: تكتب واش عندك في الكوزينة، ونقترحولك واش تطيب.
• وضع الطبخ خطوة بخطوة مع المؤقت، المفضلة، قائمة المشتريات، وحساب المقادير حسب عدد الأشخاص.
• يخدم حتى بلا إنترنت بعد التفعيل، ويتثبت في الهاتف كيما أي تطبيق.

شكون حنا

مطبخي مشروع جزائري مستقل، صنعناه بحب للمطبخ الجزائري وباش نحفظو وصفات جداتنا بطريقة عصرية وسهلة. نراجعو الوصفات ونزيدو وصفات جديدة بانتظام، ونقرأو كل اقتراحاتكم.

عندك سؤال، ملاحظة ولا وصفة تحب نزيدوها؟ تواصل معانا.

---

À propos

Matbakhi est une application de cuisine algérienne : plus de 520 recettes algériennes et du monde, aux quantités précises (grammes et millilitres), en arabe et en français, avec les calories de chaque recette, un mode cuisine pas à pas et la fonction « Donne-moi une recette ». Un projet algérien indépendant.